ELVELANGS I ÅL
Trond Kleppen / 15.11.2018
Forprosjektet for ny turstig med aktivitetsarenar langs elva og Opsjø vil bli sluttført før jul,
og det ligg vel til rette for realisering gjennom eit hovudprosjekt frå nyttår.
Sjølve bygginga startar til våren, og vil gå i perioden april - oktober i 2019 og 2020.
Turstigen er tenkt kopla saman med stigen frå Hallingdal Feriepark, og går vidare
frå stasjonsbrua forbi Ål Idrettspark, Bråta, langsmed Opsjø og heilt ned til Ål Camping.
Den siste biten er ei perle som går gjennom furuskogen til Stølen, med spektakulær utsikt til elvestryk.
På videoen her får du eit godt inntrykk av alle aktivitetane som er planlagt inntil turstigen.
Ål Idrettslag aleine vil ikkje klare eit så stort prosjekt (nærare 15 mill. kr.),
men med 20 gode samarbeidspartar og Ål kommune med på laget, ser dette ut til å gå i boks.
Den viktigaste samarbeidsparten er bygdefolket og medlemmene i Ål IL.
Mange vil vere med på dugnadsjobbing for å få dette til. Me sjåast til våren !
Oppstart Barmarktrening
